OH SHIT!!

Ang alam ng maraming tao hindi ako nagmumura. Pero ang hindi nila alam nagmumura lang ako sa isip ko. Ngunit kanina bigla ako napasigaw, na walang kamalay-malay, ng "OH SHIT!" nung hawakan ko ang mainit na handle ng kaserola. Hindi ako makapaniwalang lumabas sa bibig ko iyon at ng malakas. Hindi ko naman inaalala na masama ang ginawa ko. Ang bumabagabag lang sa akin ay maaaring, sa susunod, masabi ko ng hindi namamalayan ang mga kung anu-anong iniisip ko na ayaw kong ipaalam sa ibang tao. Kapag nakaugalian ko na ito, magiging baliw na ako ng tuluyan. Palagi ko pa naman naiisip na may posibilidad na maging baliw ako kaya kinatatakutan ko ang mga psychiatric hospitals dahil baka mahawa ako sa kanilang pagkabaliw (parang tawa at hikab na sinasabing contagious daw). Pero bago pa man mangyari iyon, hinihiling ko lang na wag mo akong husgahan kung naging mahina man ang aking pagiisip at hindi ko kinaya ang mga nangyayari sa buhay. Hindi ko ninanais na mangyari iyon at sana tulungan mo akong gumaling. Tulungan mo akong maging normal ulit. Thanks in advance :)